ᕌᕕᓐ ᒥᒃᓵᓄᑦ
ᕌᕕᓐ ᐱᒋᐊᖅᑎᑦᓯᓯᒪᔪᖅ ᖁᐊᔭᐅᑎᒃᑯᓐᓂᑦ ᖃᓄᖅᑑᑎᐅᔪᓂᑦ ᐊᒻᒪᓗ ᓇᒻᒥᓂᖃᕐᕕᖓᓂᒃ ᑐᑭᒧᐊᕆᔨᐅᓪᓗᓂ, ᕿᒥᕐᕈᔨᐅᓂᕐᒥᑦ ᖃᓄᓕᒫᖅ ᑐᑭᓯᒍᑎᒃᓴᐅᒐᔭᖅᑐᓂᒃ ᐋᔩᒍᑎᓴᓂᒃ ᓇᓗᓇᐃᕆᔨᐅᓗᓂ ᖃᓄᐃᓕᐅᕈᑕᐅᖁᔭᐅᔪᓂᒃ ᐅᓪᓗᒥ ᐃᓅᓯᕆᓕᖅᑕᑦᑎᓐᓂᒃ ᓯᓚᕐᔪᐊᒥ.
ᕌᕕᓐ ᐊᔪᙱᔾᔪᑎᖓ ᑐᑭᓯᒐᓱᐊᑦᑎᐊᖅᑳᓲᖑᒻᒪᑦ ᐱᓕᕆᖃᑎᒋᔭᒥᓂᒃ, ᖃᓄᖅᑑᖃᑎᖃᑦᓯᐊᕈᓐᓇᖅᑐᓂᓪᓗ ᐱᕚᓪᓕᕈᑎᒃᓴᓂᒃ ᐋᖅᑭᒃᓱᐃᖃᑎᖃᖅᑐᓂᒃ ᓄᓇᓕᓐᓂ ᐃᖅᑲᓇᐃᔭᖃᑎᒋᔭᒥᓂᒃ.
ᕌᕕᓐ ᐃᖅᑲᓇᐃᔮᖃᖅᓯᒪᓕᖅᑐᖅ ᓄᓇᓕᓐᓂ ᐱᕚᓪᓕᕈᑎᒃᓴᐅᔪᓂᑦ ᐊᕐᕌᒍᑦ ᐊᕙᑎᑦ ᐅᖓᑖᓄᑦ ᑮᓇᐅᔭᓕᐅᕋᓱᐊᖅᑎᐅᖏᑦᑐᓄᑦ, ᒐᕙᒪᐅᔪᓄᑦ ᑲᑐᔾᔨᖃᑎᒌᖏᓐᓄᑦ, ᐊᒻᒪᓗ ᓄᓇᓕᓐᓄᑦ ᒐᕙᒪᐅᔪᓄᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᓐᓄᑦ. ᐱᒋᐊᖅᑎᑦᓯᖅᑳᓚᐅᕋᓂ ᖁᐊᔭᐅᑎᒃᑯᓐᓂᑦ ᐊᐅᓚᑦᓯᔨᒋᔭᐅᓚᐅᖅᓯᒪᔪᖅ ᖃᓪᓗᓈᓂ, ᐅᖃᐅᓯᖃᖅᑐᓄᑦ ᒪᕐᕉᓐᓂᒃ ᐱᓕᕆᐊᒃᓴᓕᕆᔨᐅᓪᓗᓂ ᑲᓇᑕᐅᑉ ᑲᑎᒪᔨᖏᓐᓄᑦ ᓴᓇᙳᐊᖅᑐᓕᕆᔨᒃᑯᖏᓐᓄᑦ, ᐊᒻᒪᓗ ᑐᑭᒧᐊᑦᑎᔨᐅᓪᓗᓂ ᐳᓚᕋᖅᑐᓕᕆᓂᕐᒧᑦ ᓄᓇᕗᑦ ᐳᓚᕋᖅᑐᓕᕆᔨᒃᑯᖏᓐᓂ. ᓄᓇᓕᐸᐅᔭᒃᑯᓐᓄᓪᓗ ᐃᖃᓗᓐᓂ ᐊᐅᓚᑦᓯᔨᐅᓚᐅᖅᑐᖅ ᐱᕙᓪᓕᐊᑎᑦᓯᔨᒋᔭᐅᓪᓗᓂ ᐃᓕᖅᑯᓯᓕᕆᔨᖏᓐᓂᑦ, ᐊᕙᑎᓪᓕᕆᓂᕐᒥᓪᓗ, ᐱᕚᓪᓕᐊᔪᓕᕆᓂᕐᒥᓪᓗ ᓄᓇᓕᓐᓂᖏᓐᓂ. ᐱᓕᕆᐊᖃᓚᐅᖅᑐᓂᓗ ᐃᖃᓗᓐᓂ ᓄᓇᓕᓐᓂ ᐸᕐᓇᐅᑎᓕᐊᕆᔭᐅᔪᓂᑦ ᐊᕐᕌᒍᓐᓂᒃ ᒪᕐᕉᓐᓂᒃ ᓯᕗᓂᒃᓴᒧᑦ ᐸᕐᓇᐅᑎᖃᖅᑐᑎ.
ᕌᕕᓐ ᐃᓕᓴᕆᔭᐅᔾᔪᓯᐊᖅᓯᒪᔪᖅ ᑲᓇᑕᓕᒫᒥ ᓄᓇᓕᕆᓂᕐᒧᑦ ᐸᕐᓇᐅᑎᓕᐅᕐᓂᕐᒥᑦ ᓄᓇᓖᑦ ᐱᔾᔪᑎᒋᓪᓗᒋᑦ ᖁᑦᓯᓂᖅᐹᖓᓃᑦᑐᓂ ᑎᑎᕋᐅᓯᐅᓯᒪᔪᓂᑦ. ᐃᓕᓴᕆᔭᐅᔾᔪᓯᐊᖅᓯᒪᓪᓗᓂᓗ ᓄᓇᖃᖅᑳᖅᓯᒪᔪᑦ ᑮᓇᐅᔭᖃᕐᕕᖓᓐᓂᑦ ᓄᓇᓕᓐᓂ ᐸᕐᓇᐅᑎᓕᐅᖅᓯᒪᓂᖓᓄᑦ ᐱᑦᑎᐊᖅᓯᒪᓂᖅᐹᒥᒃ.
ᐃᓕᓐᓂᐊᖅᓯᒪᓂᖃᕐᒥᔪᖅ, ᓄᓇᓕᓐᓂ ᒧᒥᐅᓯᓂᒃ ᐃᓕᓴᓯᒪᓪᓗᓂ, ᖁᑦᓯᓂᖃᖅᑐᒥᒃ ᓯᓚᑦᑐᖅᓴᕐᕕᔾᔪᐊᒥ, ᐃᓕᓐᓂᐊᖅᑐᓕᕆᓂᕐᒥᑦ ᓯᓚᑦᑐᖅᓴᕐᕕᔾᔪᐊᒥ, ᒫᓐᓇ ᐱᔭᕇᖅᐸᓪᓕᐊᒻᒥᔪᖅ ᖁᑦᓯᓂᖅᐹᒥ ᐃᓕᓴᐅᑎᒥᒃ ᓄᓇᓕᓐᓂ ᐱᕙᓪᓕᐊᔪᓕᕆᓂᕐᒥᑦ ᓯᓚᑦᑐᖅᓴᕐᕕᔾᔪᐊᖓᓂᑦ ᑳᐃᑉ ᕗᐃᑕᓐᒥᑦ. ᑖᒃᓱᒥᖓ ᐃᓕᓴᐅᑎᒋᔭᒥᓂᒃ ᐃᓕᓐᓂᐊᕐᓂᖃᖅᓯᒪᓂᐊᖅᑐᖅ ᐅᑭᐅᖅᑕᖅᑐᒥ ᐳᓚᕋᖅᑐᓕᕆᕐᓂᕐᒥᑦ ᓯᓚᑦᑐᖅᓴᕐᕕᔾᔪᐊᖓᓂ ᑐᒻᓱ ᓄᐊᕙᐃᒥ. ᕌᕙᓐ ᐃᖃᓗᓐᓂ ᓄᓇᖃᖅᑐᖅ ᐊᒻᒪᓗ ᐃᓚᔮᖏᓐᓂᒃ ᐱᖃᑎᖏᓐᓂᓪᓗ ᓱᓕ ᐱᒻᒪᕆᒋᔭᖃᖅᑐᖅ ᑲᓇᑕᒥᐅᑕᐅᓪᓗᑎᒃ.
