“ᐱᓕᕆᖃᑎᖃᕐᓂᖅ ᓚᐃᑲᓐᖁᓐᓂᑦ ᖁᕕᐊᓇᓪᓚᕆᔪᔪᖅ ᐱᒋᐊᓐᖓᕐᓂᖓᓂᑦ ᐃᓱᖓᓄᑦ. 6 ᑕᖅᑮᑦ ᐅᖓᑖᓄᑦ ᐱᓕᕆᖃᑎᒌᑦᑐᑕ, ᑖᒃᑯᐊ ᖃᐅᔨᓇᖅᓯᓚᐅᖅᑐᑦ ᐊᔪᓐᖏᑦᑎᐊᕐᒪᑕ ᐱᓕᕆᖃᑎᒌᑦᑐᑎᒃ ᓴᓐᖏᔪᐊᓗᒻᒥᑦ ᖃᐅᔨᓴᕈᓐᓇᕐᓂᖃᖅᑐᑎᒃ ᐊᒻᒪᓗ ᕿᒥᕐᕈᔪᓐᓇᖅᑐᑎᒃ ᖃᐅᔨᓴᕈᑎᒥᓂᕐᓂᒃ. ᑐᑭᓯᐅᒪᔭᖃᕐᒪᑕ ᐃᓗᓕᖏᓐᓂᑦ ᑐᑭᓯᔭᕐᓂᖏᓐᓂᓪᓗ ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᑎᒥᐅᔪᑦ ᑕᐃᒫᓪᓗ ᑐᑭᓯᑎᑦᑎᑦᑎᐊᖃᑦᑕᔪᔪᑦ ᐃᑲᔪᖃᑦᑕᖅᑐᑎᓪᓗ ᑐᑭᒧᐊᑦᑎᐊᑎᑦᑎᓪᓗᑎᒃ ᖃᐅᔨᒐᓱᐊᖅᑎᓪᓗᑕ ᖃᓄᐃᑦᑐᓂᑦ ᐊᐱᖅᑯᑎᓂᑦ ᐃᓗᓕᖃᓛᕐᒪᖔᑕ ᖃᐅᔨᓴᕈᑎᕗᑦ, ᐃᓱᒪᒋᔭᖃᕆᐊᖅᓯᒪᔪᓂᑦ ᐊᐱᖅᓱᖅᑕᐅᔫᑉ ᐊᑐᖅᓯᒪᔭᖏᓐᓂᑦ ᐊᒻᒪᓗ ᑭᐅᔾᔪᑎᓂᑦ ᑐᓴᕐᓂᐊᖅᑐᒋᔭᑦᑎᓐᓂᑦ ᕿᓂᖅᑕᑎᓐᓂᑦ. ᑲᑐᔾᔨᖃᑎᒌᓪᓗᑎᒃ ᐱᓕᕆᒍᒪᓂᖃᓚᐅᕐᒪᑕ ᑕᐃᒫᓪᓗ ᐱᓕᕆᖃᑎᒌᓐᓂᕗᑦ ᑕᐃᒃᑯᓂᖓᒃᓴᐃᓐᓇᖅ ᐅᑉᐱᕆᔭᑦᑎᓐᓂᑦ ᐃᓱᒪᒋᔭᖃᕈᓐᓇᓚᐅᕐᒪᑕ ᐊᒻᒪᓗ ᐱᐅᓪᓚᕆᑦᑐᓂᑦ ᐱᔭᕇᖅᓯᒪᔭᖏᓐᓂᑦ ᖃᐃᑦᑎᔪᓐᓇᓚᐅᕐᒪᑕ. ᓯᕗᓪᓕᖅᐹᒥᓂᑦ ᑐᑭᒧᐊᒍᑎᒃᓴᓕᕆᓂᕆᔪᔭᑦᑎᓐᓂᑦ ᐅᖃᐅᓯᕆᔪᔭᑦᑎᓐᓂᑦ ᑕᒪᐅᖓ ᑭᖑᓪᓕᖅᐹᒥᑦ ᓇᓗᓇᐃᖅᑐᐃᕕᐅᓂᑦᑎᓐᓄᑦ ᐱᓕᕆᐊᒥᓂᖏᓐᓂᑦ, ᖁᕕᐊᒋᓪᓚᕆᓚᐅᖅᑕᒃᑲ ᐃᓗᓕᖅᑐᔪᓂᑦ ᐅᖃᐅᓯᖃᕋᐃᒐᒃᑕ ᐅᖃᖃᑎᒌᑦᑐᑕ. ᑖᒃᑯᐊ ᐊᑐᓕᖁᒐᔭᖅᑕᒃᑲ ᐱᓕᕆᑎᑕᐅᖁᓗᒋᑦ ᐊᒻᒪᓗ ᑲᔪᖏᒻᒪᕆᑉᐳᖓ ᐱᓕᕆᖃᑎᒌᒃᑲᓂᕐᓂᕆᓛᖅᑕᑎᓐᓄᑦ!”