ᑲᐃᐅᓪ
ᑲᐃᐅᓪ ᑎᔫᖕ ᐊᐅᓚᑦᑎᔨᓪᓗᐊᑕᐅᔪᖅ ᐊᒻᒪ ᖃᐅᔨᒃᑲᐃᔨᒻᒪᕆᒃ ᖁᐊᔭᐅᑎᒃᑯᑦ ᑲᐃᐅᓪ ᐱᔪᒃᓯᑦᑎᐊᖅᖢᓂ, ᐊᔾᔨᒌᙱᑦᑐᓂᒃ ᐱᓕᕆᔨᒻᒪᕆᐅᓪᓗᓂ ᐱᓕᕆᓕᒪᑦᑎᐊᖅᖢᓂ ᐊᑐᐊᒐᓕᕆᓂᕐᒥᒃ ᐱᕙᓪᓕᐊᑎᑦᑎᓂᕐᒥᒃ, ᐊᐅᓚᑦᑎᓂᕐᒥᒃ, ᑲᑐᔾᔨᖃᑎᒌᒡᕕᖕᒥ ᖃᓄᐃᓕᐅᕈᑕᐅᔪᒪᔪᓂᒃ, ᐊᒻᒪ ᒪᓕᒐᖅᑎᒍᑦ ᖃᐅᔨᓴᕐᓂᕐᒥᒃ ᐃᓄᖕᓄᑦ, ᐃᓛᒃᑰᖅᑐᓄᑦ, ᐊᒻᒪ ᑮᓇᐅᔾᔭᒐᓱᐊᖅᑎᐅᙱᑦᑐᓄᑦ. ᑲᐃᐅᓪ ᐊᒃᓱᕈᖅᖢᓂ ᐱᓕᕆᖃᑦᑕᖅᑐᖅ ᓕᓯᓐ ᐱᓕᕆᑦᑎᐊᖅᓯᒪᓂᖓᓄᑦ ᐊᒻᒪᓗ ᐅᒃᐱᕆᔭᐅᓪᓗᓂ ᑲᑐᔾᔨᖃᑎᒌᖑᔪᖅ, ᐊᒻᒪᓗ ᐃᑲᔪᖅᑐᐃᕙᒃᖢᓂ ᐃᑲᔪᖅᑕᐅᔭᕆᐊᓕᖕᓄᑦ ᐱᓕᕆᐊᒃᓴᓄᑦ ᐊᔾᔨᒌᙱᑦᑐᓂ ᐱᓕᕆᕝᕕᖕᓂ
ᑲᐃᐅᓪ ᐊᕐᕌᒍᑦ ᖁᓕᑦ ᐅᖓᑖᓄᑦ ᐊᑐᕐᓂᑰᓗᓂ ᐊᑐᐊᒐᓕᐅᕐᓂᕐᓂ, ᒪᓕᒐᖅᑎᒍᑦ ᖃᐅᔨᓴᕐᓂᕐᓂ, ᐊᒻᒪ ᑐᑭᒧᐊᕈᑎᒃᓴᓄᑦ ᐸᕐᓇᐃᓂᕐᓂ. ᐃᓚᐅᓚᐅᙱᑎᓪᓗᒍ ᓕᓯᓐ, ᑲᐃᐅᓪ ᒪᓕᒐᓕᕆᔨᐅᓚᐅᖅᑐᖅ ᓄᓇᕗᑦ ᒐᕙᒪᒃᑯᖏᓐᓄᑦ, ᐊᑐᐊᒐᓂᑦ ᕿᒥᕐᕈᔨ ᐃᖅᑲᓇᐃᔭᖅᑎᓄᑦ ᐋᓐᓂᖅᑐᓄᑦ ᓇᓪᓕᐅᒃᑯᒫᓕᕆᔨᑦ ᑲᑎᒪᔨᖏᓐᓄᑦ ᓅᕙ ᔅᑰᓯᐊᒥᑦ, ᒪᓕᒐᓕᕆᔨᒻᒪᕆᒡᓗ ᓄᓇᕐᔪᐊᒥᑦ ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᓐᓂᑦ. ᐃᖅᑲᓇᐃᔭᖅᑎᓕᕆᓂᕐᒧᑦ ᖃᐅᔨᒪᔨᑕᐅᓚᐅᖅᓯᒪᖕᒥᔪᖅ ᕼᐊᓕᕚᒃᔅᒥ ᐊᕕᒃᑐᖅᓯᒪᔪᓂ ᕼᐋᒻᒪᓚᒃᑯᓐᓂ ᐊᒻᒪ ᐅᖃᐅᔾᔪᐃᔨᐅᓪᓗᓂ ᐊᒻᒪ ᐅᖃᐅᔾᔨᒋᐊᖅᑎᐅᓪᓗᓂ ᑖᓪᕼᐊᐅᓯ ᓯᓚᑦᑐᖅᓴᕐᕕᒡᔪᐊᖓᓂ. ᒫᓐᓇ ᐱᓕᕆᐊᖃᓚᐅᙱᑎᓪᓗᒍ ᓕᓯᓐᒥ, ᑲᐃᐅᓪ ᖃᐅᔨᒃᑲᐃᔨᐅᒃᑲᓐᓂᓚᐅᖅᑐᖅ ᓕᓯᓐᒧᑦ ᐃᑲᔪᖅᖢᓂᓗ ᐊᔾᔨᒌᖏᑦᑐᓄᑦ ᒐᕙᒪᓕᕆᓂᕐᓂ, ᑐᑭᒧᐊᕈᑎᒃᓴᓂᑦ, ᐊᑐᐊᒐᓄᓪᓗ ᐱᓕᕆᐊᒃᓴᓄᑦ.
ᒪᓕᒐᓕᕆᔨᐅᓪᓗᓂ ᓄᓇᕗᑦ ᒐᕙᒪᒃᑯᓐᓂ, ᑲᐃᐅᓪ ᐃᓚᐅᓚᐅᖅᐳᖅ ᑎᑎᖅᑲᖁᑎᒋᔭᐅᔪᓂᒃ ᓄᓇᕗᑦ ᒐᕙᒪᒃᑯᓐᓂ, ᐃᓚᒋᔭᐅᓪᓗᑎᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑐᐊᒐᐃᑦ ᐊᒻᒪ ᒪᓕᒐᓕᐊᖑᔪᒪᔪᓂᒃ ᐱᕙᓪᓕᐊᑎᑦᑎᓂᖅ, ᐃᖅᑲᓇᐃᔭᖅᑎᑦ ᐊᒻᒪ ᐃᖅᑲᓇᐃᔭᖅᑐᓕᕆᓂᖅ ᐊᒻᒪ ᐋᔩᖃᑎᒌᖕᓂᖅ, ᐃᓄᐃᑦ ᐱᔪᓐᓇᐅᑎᖏᓐᓄᑦ ᐱᓇᔫᑎᑦ, ᑐᖁᖓᔪᓕᕆᔨᒃᑯᑦ ᖃᐅᔨᓴᕐᓂᖏᑦ, ᐊᒻᒪ ᐱᕐᔪᐊᓂᒃ ᑮᓇᐅᔭᓕᐅᕋᓱᐊᖅᑐᓂᒃ ᑮᓇᐅᔭᓂᒃ ᐊᑐᖅᐸᒃᑐᑦ. ᑲᐃᐅᓪ ᑲᑎᒪᔨᐅᓚᐅᖅᓯᒪᔪᖅ ᓄᓇᑦᑕ ᓱᓇᒃᑯᑖᖏᑦ ᑕᑯᔭᒐᖃᕐᕕᖕᒥ ᐊᒻᒪ ᓄᓇᕗᒻᒥ ᒪᓕᒐᓕᕆᓂᕐᒧᑦ ᑐᙵᕕᖓᓄᑦ, ᐃᓚᒋᔭᐅᓚᐅᖅᓯᒪᓪᓗᓂᓗ ᑮᓇᐅᔭᓕᕆᔨᒃᑯᑦ ᑲᑎᒪᔨᕋᓛᖏᓐᓄᑦ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᓄᑦ ᓄᓇᕗᒻᒥ.
ᑲᐃᐅᓪ ᖁᕕᐊᒋᔭᖃᑦᑎᐊᖅᑐᖅ ᓄᓇᓕᖕᓂ ᐱᕙᓪᓕᐊᑎᑦᑎᓂᕐᒥᒃ ᐱᒋᐊᖅᑎᑦᑎᔨᐅᖃᑕᐅᓪᓗᓂᓗ ᕋᐃᓐᐴᒡ ᕿᒫᔪᓄᑦ ᑲᑐᔾᔨᖃᑎᒌᓄᑦ ᓅᕙ ᔅᑰᓯᐊᒥ (RRANS), ᐊᖓᔪᖅᑳᖑᓂᑯ ᐊᒻᒪ ᐊᑭᓕᖅᓱᖅᑕᐅᙱᖦᖢᓂ ᐊᐅᓚᑦᑎᔨᐅᓪᓗᓂ, ᒫᓐᓇᓗ ᑮᓇᐅᔭᓕᕆᔨᐅᓪᓗᓂ ᑲᑎᒪᔨᓄᑦ. ᐃᑲᔪᓚᐅᖅᑐᖅ ᐱᕈᖅᐸᓪᓕᐊᑎᑦᑎᓪᓗᓂ RRANS−ᒥᒃ ᑲᔪᓯᓂᖃᑦᑎᐊᕐᓂᕐᒧᑦ ᑲᔪᓯᐊᖏᓐᓇᕈᓐᓇᖅᑐᒧᓪᓗ ᑲᑐᔾᔨᖃᑎᒌᒧᑦ ᖃᔅᓯᑲᓪᓚᖕᓄᑦ ᐱᓕᕆᖃᑎᒌᓄᑦ ᑮᓇᐅᔭᓕᐅᖅᓯᒪᓪᓗᓂᓗ $600,000 ᐅᖓᑖᓃᑦᑐᓂᒃ ᑮᓇᐅᔭᖁᑎᒋᔭᐅᔪᓂᒃ ᐃᑲᔪᖅᑐᐃᔪᒪᓪᓗᓂ ᑲᑐᔾᔨᖃᑎᒌᖑᔫᑉ ᐱᓕᕆᐊᕆᔭᖏᓐᓄᑦ. ᑐᓂᔭᐅᓚᐅᖅᑐᖅ ᓅᕙ ᔅᑰᓯᐊᒥ ᕕᐅᕆᑕᔅᑯᑦ ᑲᑐᔾᔨᖃᑎᒌᖏᓐᓄᑦ ᐃᓱᒪᑕᐅᑉ ᑐᓐᓂᖅᑯᓯᐊᖓᓂᒃ ᓯᕗᓕᖅᑎᐅᓂᖓᓄᑦ ᐊᖏᖅᓯᒪᓂᖓᓄᓪᓗ ᓄᓇᓕᖕᓂ ᐃᓚᐅᑎᑦᑎᓂᕐᒧᑦ.
ᑲᐃᐅᓪ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᑮᓇᐅᔭᓕᕆᓂᕐᒧᑦ, ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᒪᓕᒐᓕᕆᓂᕐᒧᑦ, ᐊᒻᒪ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑎᑎᕋᕐᕕᖕᒥᐅᑕᓕᕆᓂᖅ, ᑕᒪᕐᒥᒃ ᑖᓪᕼᐊᐅᓯ ᓯᓚᑦᑐᖅᓴᕐᕕᒡᔪᐊᖓᓂ, ᐊᒻᒪ ᓇᓗᓇᐃᒃᑯᑕᖃᖅᖢᓂ ᐋᓐᓂᐊᕕᖕᒥ ᐊᑦᑕᕐᓇᖅᑐᓄᑦ, ᑲᒪᑦᑎᐊᙱᓐᓂᕐᒧᑦ, ᐊᒻᒪ ᑐᒃᓯᕋᐅᑎᓄᑦ ᐊᐅᓚᑦᑎᓂᕐᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑲᒪᒋᔭᐅᓂᕐᒥᒃ ᔪᐊᒃ ᓯᓚᑦᑐᖅᓴᕐᕕᒡᔪᐊᕐᒥ. ᐊᔪᕈᓐᓃᖅᓴᖅᐸᙱᖦᖢᓂ ᐃᓚᒋᔭᐅᕗᖅ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᓄᑦ ᓄᓇᕗᒻᒥ ᐊᒻᒪᓗ ᓅᕙ ᔅᑰᓯᐊᒥ ᐹᕆᔅᑕᔅ ᑲᑐᔾᔨᖃᑎᒌᓂ.
ᑲᐃᐅᓪ ᖁᕕᐊᒋᔭᖃᖅᑐᖅ ᐃᓚᒋᔭᐅᓂᕐᒥᑦ ᐊᔾᔨᒌᖏᑦᑐᓂᑦ ᐱᓕᕆᐊᓂᑦ, ᐱᓕᕆᔨᒻᒪᕆᐅᓂᕐᒥᑦ ᓇᒻᒥᓂᕐᓗ. ᓚᐃᓴᓐᓯᖃᖅᖢᓂ ᓂᐅᕐᕈᑎᖃᖅᑎᐅᕗᖅ ᓅᕙ ᔅᑰᓯᐊᒥ ᐃᒡᓗᓂᒃ ᓄᓇᒥᒡᓗ ᓂᐅᕕᐊᒃᓴᖃᖅᐸᒃᑐᓄᑦ ᑲᑎᒪᔨᓄᑦ, ᐱᓕᕆᖃᑦᑕᖅᓯᒪᓂᑰᓪᓗᓂᓗ ᐊᑭᑐᓗᐊᙱᑦᑐᓂᒃ ᐃᒡᓗᒃᓴᓂᒃ ᐱᕙᓪᓕᐊᑎᑦᑎᓂᕐᒥᒃ ᐊᒻᒪ ᓄᓇᓕᖕᓂ ᑭᒡᓕᓕᐅᕆᓂᕐᒥᒃ/ᐸᕐᓇᐃᓂᕐᒥᒃ.
ᑲᐃᐅᓪ ᕼᐋᓕᕚᒃᔅᒥ ᓄᓇᖃᖅᑐᖅ, ᓅᕙ ᓯᑰᓴᒥ, ᐊᒻᒪᓗ ᓯᒡᔭᖅᐸᓯᖕᒥᐅᑕᐅᖏᓐᓇᕐᓂᐊᖅᑐᖅ ᓯᐅᕋᕐᒥᒃ ᐊᒻᒪᓗ ᑕᑯᓪᓗᓂ, ᓂᐱᒥᒃ, ᐊᒻᒪᓗ ᑎᐱᖏᓐᓂᒃ ᐃᒪᐅᑉ. ᑲᐃᐅᓪ ᖁᕕᐊᒋᔭᖃᖅᑐᖅ ᓄᓇᓯᐅᑎᓂᑦ, ᐅᖃᓕᒫᒐᕐᓂᑦ, ᓂᕿᑦᓯᐊᕙᓐᓂᑦ, ᐃᓚᒋᔭᐅᓂᕐᒥᓪᓗ ᓄᓇᓕᓐᓂᑦ.
