ᒥᓚᓂ
ᒥᓚᓂ ᑎᐹᔅᑯᐊᓪ ᐱᓕᕆᕙᓪᓕᐊᓂᐅᕗᖅ ᐱᓕᕆᐊᒃᓴᓂᒡᓗ ᐊᐅᓚᑦᑎᔨᐅᓪᓗᓂ ᖁᐊᔭᐅᑎᑦ ᓇᒻᒥᓂᖃᖅᑐᓄᑦ. 2022−ᒥ ᐃᓚᐅᓕᓚᐅᖅᑎᓪᓗᒍ, ᓇᓗᓇᐃᖅᓯᓯᒪᕗᖅ ᐱᔪᒃᓯᑦᑎᐊᕐᓂᖓᓂᒃ ᐱᓕᕆᖃᑎᒌᓂᒃ, ᐊᔾᔨᒋᔭᐅᙱᑦᑐᓂᒃ ᐊᔪᙱᓐᓂᖃᖅᖢᓂ ᐱᕙᓪᓕᐊᑎᑦᑎᓪᓗᓂ ᐱᓕᕆᔾᔪᓯᕐᓂᒃ ᐊᑐᖅᖢᓂ ᐃᓱᒪᑐᔪᓂᒃ ᐊᑲᐅᙱᓕᐅᕈᑎᓂᒃ ᐋᖅᑭᒃᓯᓇᓱᒃᖢᓂ ᓴᖅᑭᑦᑎᖁᓪᓗᒍ ᐊᑑᑎᖃᑦᑎᐊᖅᑐᓂᒃ ᐊᒻᒪ ᐋᖅᑭᑦᑎᐊᖅᓯᒪᔪᓂᒃ ᐱᓕᕆᐊᒃᓴᓂᒃ ᐃᑲᔪᖅᑕᐅᔭᕆᐊᓕᖕᓄᑦ.
ᒥᓚᓂ ᐱᓕᕆᖃᑎᒌᒃᖢᓂ ᑲᔪᓯᑎᑦᑎᕙᒃᐳᖅ ᑲᔪᓯᓂᕆᔭᐅᕙᒃᑐᒥᒃ ᐱᐅᓛᒃᑰᖅᑎᑦᑎᕙᖕᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ, ᑕᐃᒪᐃᓕᐅᕐᓂᕐᒥᓂᓗ ᓇᓗᙱᑦᑎᐊᖅᐸᒡᓗᓂ ᐱᐅᔪᒥᒃ ᐊᑐᖃᑦᑕᖅᓯᒪᓂᑰᓂᕐᒥᒃ. ᐋᖅᑭᑦᓱᐃᔨᐅᔪᖅ ᐃᑲᔪᖃᑦᑕᖅᑐᖅ ᓕᓴᓐ ᐊᑑᑎᖃᑦᓯᐊᖅᑐᒥᑦ ᐱᕈᖅᐸᓪᓕᐊᓂᕐᒥᓪᓗ ᐱᓕᕆᔾᔪᓯᒃᑯᑦ ᐊᔾᔨᒌᑎᑦᓯᓂᕐᒥᑦ ᐊᑐᓕᖅᑎᑦᓯᓂᕐᒥᓪᓗ, ᓇᓗᓇᐃᖅᓯᓂᕐᒥᑦ ᐊᑐᓕᖅᑎᑦᓯᓂᕐᒥᓪᓗ ᖃᕆᑕᐅᔭᓕᕆᔾᔪᑎᓂᑦ ᐋᖅᑭᒋᐊᕈᑎᑦᓴᓂᑦ, ᐃᓗᐊᓂᑦ ᐱᓕᕆᐊᓄᑦ ᐊᐅᓚᑦᓯᓂᕐᒥᑦ, ᐃᓗᐊᓂᓪᓗ ᓯᓚᑖᓂᓪᓗ ᑐᓴᐅᒪᖃᑦᑕᐅᑎᓂᕐᒥᑦ. ᑖᒃᑯᓂᖓᑕᐅᖅ ᐱᔨᑦᑎᕋᖃᑦᑕᕐᒥᔪᖅ ᓂᕈᐊᖃᑦᑕᖅᖢᓂ ᐃᑲᔪᖅᑕᐅᔭᕆᐊᓕᖕᓂᒃ.
ᒥᓚᓂ ᐊᕐᕌᒍᓄᑦ 15-ᓄᑦ ᐱᓕᕆᓯᒪᓂᑰᔪᖅ ᐱᓕᕆᐊᓂᑦ ᐊᐅᓚᑦᑎᓂᖕᓂᑦ, ᐊᐅᓚᑦᑎᓂᖕᓂᑦ, ᑎᑎᕋᕐᕕᖕᒥᓪᓗ, ᐱᓗᐊᖅᑐᒥᑦ ᑮᓇᐅᔭᓕᐅᕋᓱᐊᖅᑎᐅᙱᑦᑐᓂᑦ ᐃᓕᖅᑯᓯᓕᕆᔨᓂᒡᓗ. ᖃᐅᑕᒫᑦ, ᐊᔪᕈᓐᓃᖅᓯᒪᑦᑎᐊᖅᑐᖅ ᐱᓕᕆᐊᓂᒃ ᐊᐅᓚᑦᑎᔪᓐᓇᕐᓂᕐᒥᒃ, ᐊᐅᓚᑦᑎᓂᕐᒥᒃ, ᑲᑎᒪᔨᓂᒃ ᐊᐅᓚᑦᑎᓂᕐᒥᒃ, ᑮᓇᐅᔭᓂᒃ ᐱᕈᖅᓴᐃᓂᕐᒥᒃ, ᓂᐅᕐᕈᑎᖃᕋᓱᐊᕐᓂᕐᒥᒃ, ᑐᓴᐅᒪᔪᓕᕆᓂᕐᒥᒃ, ᐊᒻᒪ ᑎᑎᕋᐅᔭᖅᓯᒪᔪᓂᒃ ᐋᖅᑭᒃᓯᒪᔪᓂᒃ.
ᐃᖅᑲᓇᐃᔭᓯᒋᐊᓚᐅᖅᑐᖅ ᑐᕌᓐᑐᒥᑦ ᓄᓇᕐᔪᐊᒥᑦ ᑕᕐᕆᔮᒃᓴᓂᑦ ᖁᕕᐊᓲᑎᖃᕐᓂᕐᒧᑦ (TIFF) ᐊᔾᔨᒌᙱᑦᑑᑎᓄᑦ ᐱᓕᕆᐊᒃᓴᓄᑦ. ᐱᒋᐊᓚᐅᖅᑎᓪᓗᒍ ᐃᓂᖃᕐᓂᖓ ᑕᕐᕆᔮᒃᓴᓕᕆᓂᕐᒧᑦ ᐱᓕᕆᖃᑎᒌᓂᑦ, ᓅᓕᕐᖢᓂ ᐱᓕᕆᖃᑎᖃᑦᑎᐊᕐᖢᓂ ᑲᑎᒪᔨᓂᑦ ᓯᕗᓕᖅᑎᓄᓪᓗ ᑎᑎᕋᕐᕕᖓᓂ ᐱᔭᕇᓚᐅᙱᑎᓪᓗᒍ ᐱᕕᖃᕐᓂᖓ TIFF−ᒥ ᐱᓕᕆᖃᑎᖃᕐᖢᓂ ᓂᐅᕕᐊᒃᓴᖃᕐᓂᕐᓂ ᓴᓇᑐᔪᓂᒃᓗ ᐱᓕᕆᖃᑎᒌᓂᑦ ᓴᖅᑭᑎᑦᑎᓂᕐᒧᑦ ᐊᐅᓚᑦᑎᔨᐅᓗᓂ. TIFF−ᑯᓐᓄᑦ, ᒥᓚᓂ ᐊᔪᕈᓐᓃᖅᐹᓪᓕᓚᐅᖅᐳᖅ ᓯᕗᓕᖅᑎᓂᒃ ᐊᐅᓚᑦᑎᔪᓐᓇᕐᓂᕐᒥᒃ, ᐱᓕᕆᐊᒃᓴᓂᒃ ᐊᐅᓚᑦᑎᓂᕐᒥᒃ, ᑲᑎᒪᔨᓂᒃ ᐊᐅᓚᑦᑎᓂᕐᒥᒃ, ᐊᒻᒪ ᑐᓴᐅᒪᑎᑦᑎᓂᕐᒥᒃ, ᐊᒻᒪ ᐊᑐᓕᖅᑎᑦᑎᓚᐅᕆᓪᓗᓂ ᐱᐅᓯᒋᐊᖅᓯᒪᔪᓂᒃ ᐱᓕᕆᔾᔪᓯᕐᓂᒃ ᐱᓕᕆᕝᕕᖕᒥ ᐃᓱᓕᕝᕕᒃᓴᐅᑎᓕᖕᓂᒃ ᖃᐅᔨᓴᕐᓂᕐᒥᒃ, ᓇᖕᒥᓂᖃᖃᑕᐅᔪᑦ ᐊᑎᓕᐅᕐᓗᑎᒃ, ᐅᓂᒃᑳᕐᓗᑎᒃ ᐱᕙᓪᓕᐊᑎᑦᑎᓂᕐᒥᒃ, ᐊᒻᒪ ᑲᑎᒪᔨᓄᑦ ᑐᓴᐅᒪᔪᓕᕆᔾᔪᑎᓂᒃ.
ᐅᐱᒍᓱᓚᐅᖅᐳᖅ ᐊᔪᙱᓐᓂᕐᒥᓂᒃ ᑮᓇᐅᔭᓂᒃ ᐱᕈᖅᓴᐃᓂᕐᒧᑦ ᐱᓕᕆᑎᓪᓗᒍ ᓯᕗᓕᖅᑎᓄᑦ ᐃᑲᔪᖅᑎᒧᑦ ᐊᐅᓚᑦᑎᔨᒻᒪᕆᖕᒧᑦ ᐱᖃᓐᓇᕆᔭᖏᓐᓄᑦ ᑲᓇᑕᒥ ᑕᑯᔭᒐᖃᕐᕕᖕᒥ ᐃᓄᐃᑦ ᐱᔪᓐᓇᐅᑎᖏᓐᓄᑦ. ᐃᖅᑲᓇᐃᔭᖅᑎᐅᑎᓪᓗᒍ, ᕿᒥᕐᕈᓚᐅᖅᑐᖅ ᐱᓕᕆᕝᕕᐅᑉ ᐱᓕᕆᔾᔪᓯᖏᓐᓂᑦ ᐊᒻᒪᓗ ᓇᓂᓯᓪᓗᓂ ᐊᑑᑎᖃᑦᑎᐊᖅᑐᓂᑦ ᐊᑐᓕᖅᑎᑦᑎᓂᒃᑯᑦ ᐱᓕᕆᐊᓄᑦ ᐊᐅᓚᑦᑎᔾᔪᑎᓂᑦ ᖃᕋᓴᐅᔭᓕᕆᔾᔪᑎᓂᑦ ᐊᒻᒪᓗ ᐊᑑᑎᖃᑦᑎᐊᖅᑐᓂᑦ ᐱᓕᕆᔾᔪᓯᐅᔪᓂᑦ.
ᒥᓚᓂ ᐱᔭᕇᖅᓯᓚᐅᖅᑐᖅ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᓴᓇᐅᒐᓕᕆᓂᕐᒧᑦ ᐱᓕᕆᐊᖃᓪᓚᕆᒃᖢᓂ ᓴᓇᙳᐊᕐᓂᕐᒧᑦ ᐊᐅᓚᑦᑎᓂᕐᒥᒃ ᓯᓚᑦᑐᖅᓴᕐᕕᒡᔪᐊᒥ ᑐᕌᓐᑐᒥ. ᓇᓗᓇᐃᒃᑯᑕᖃᕐᒥᔪᖅ ᑎᑎᖅᑐᒐᐅᔭᖅᓯᒪᓂᖓᓄᑦ ᔪᐊᔾ ᐳᕋᐅᓐ ᓯᓚᑦᑐᓴᕐᕕᖓᓂᑦ ᐊᒻᒪ ᐱᓕᕆᐊᓂᑦ ᐊᐅᓚᑦᑎᔨᓂᑦ ᓯᓚᑦᑐᓴᕐᕕᕐᔪᐊᕐᒥᑦ ᑳᓕᕗᐊᓂᐊᒥᑦ, ᐊᐃᕕᓐᒥᑦ. ᒥᓚᓂ ᒫᓐᓇ ᐱᔭᕇᖅᓯᕙᓪᓕᐊᕗᖅ ᐱᓕᕆᐊᖑᔪᒥ ᐊᐅᓚᑦᑎᓂᕐᒧᑦ ᐱᓕᕆᔨᓪᓚᕆᐅᓂᕐᒧᑦ ᓇᓗᓇᐃᒃᑯᑕᖅᑖᖅᐸᖕᓂᕐᒧᑦ ᐊᔪᕈᓐᓃᖅᓴᒐᒃᓴᒥᒃ ᐅᕙᓂ, Dalhousie ᓯᓚᑦᑐᖅᓴᕐᕕᒡᔪᐊᒥ.
ᒥᓚᓂ ᓇᖕᒥᓂᖅ ᐱᓕᕆᓂᑯᖃᖅᑐᖅ ᐊᓯᔾᔨᖅᐸᓪᓕᐊᓂᕐᒥᑦ ᐊᒻᒪᓗ ᓄᓇᓕᖕᓂᑦ-ᐱᕈᖅᓴᐃᓂᕐᒥᑦ ᐊᒃᑐᖅᓯᓂᐅᔪᓂᒃ ᓴᓇᙳᐊᕐᓂᕐᒧᑦ ᐊᒻᒪᓗ ᐃᓕᖅᑯᓯᕐᒧᑦ ᖃᐅᑕᒫᑦ ᐃᓅᓯᕆᔭᐅᔪᒥᑦ. ᐊᕐᕌᒍᑦ ᖃᔅᓯᐊᕐᔪᐃᑦ ᐊᓂᒍᖅᑐᓂᒃ ᒥᓚᓂ ᓄᓇᖃᖅᓯᒪᓕᖅᑐᖅ ᖃᔅᓯᑲᓪᓚᖕᓂ ᑲᓇᑕᒥ ᓄᓇᓕᐸᐅᔭᕐᓂᒃ ᒫᓐᓇᓗ ᕼᐊᓕᕚᒃᔅ ᐊᖏᕐᕋᕆᓂᕋᓕᖅᖢᓂᒋᑦ. ᐃᓱᒪᖅᓱᖅᖢᓂ ᓴᓇᕈᓘᔭᕈᓐᓇᕐᓂᕐᒥᓂᒃ, ᓄᕕᖅᓴᕐᓂᕐᒥᒃ, ᐊᒻᒪ ᐃᓚᐅᖃᑦᑕᕐᓂᕐᒥᒃ ᐅᖃᓕᒫᒐᓕᐅᖅᑎᓂᒃ, ᐊᒻᒪᓗ ᕿᒥᕐᕈᖃᑕᐅᓂᕐᒥᒃ ᑲᓇᖕᓇᖅᐸᓯᖕᒥ ᓯᒡᔭᖓᓂ ᐱᖃᑎᒥᓂᒃ ᐱᖃᑎᖃᖅᖢᓂ.
