ᓛᕋ
ᐊᕐᓇᖅ
ᓛᕋ ᖁᑦᑎᓂᖅᓴᒦᑦᑐᓂ ᖃᐅᔨᓴᖅᑎᐅᔪᖅ ᓚᐃᑲᓐᑯᓐᓂ, ᑲᒪᔨᒻᒪᕆᐅᓪᓗᓂ ᓯᕗᓕᖅᑎᓂᑦ ᐊᔪᕆᖅᓯᐅᔾᔨᓂᕐᒥᑦ, ᐃᖅᑲᓇᐃᔭᖅᑎᓕᕆᓂᕐᒥᑦ, ᐊᑐᐊᒐᕐᓂᑦ ᐱᕙᓪᓕᐊᑎᑦᑎᓂᕐᒥᑦ, ᐊᒻᒪᓗ ᑐᑭᒧᐊᒍᑎᒃᓴᕐᓂᑦ ᐸᕐᓇᐅᑎᓕᐅᕐᓂᕐᒥᑦ. ᓛᕋ ᐃᑲᔪᖅᓰᓲᖅ ᓯᕗᓕᖅᑎᐅᔪᓂᑦ ᑎᒥᐅᔪᓂᓪᓗ ᐋᖅᑭᑦᑎᕆᑎᓪᓗᒋᑦ ᖃᓄᐃᓐᖏᑦᑎᐊᕐᕕᐅᔪᓂᑦ ᐊᒻᒪ ᐱᓕᕆᑦᑎᐊᖅᕕᐅᔪᓂᑦ ᐃᖅᑲᓇᐃᔭᖅᕕᐅᔪᓂᑦ. ᐅᖃᐅᔾᔨᒋᐊᖃᖅᑕᓲᖅ ᓯᕗᓕᖅᑎᓂᑦ ᐱᕙᓪᓕᐊᑎᑦᑎᓂᕐᒥᑦ, ᑎᒥᐅᔪᐃᑦ ᐋᖅᑭᑎᖅᓯᒪᓂᖏᓐᓂᑦ ᖃᓄᐃᓕᖓᓕᕆᔭᖏᓐᓂᓪᓗ, ᐃᖅᑲᓇᐃᔭᖅᕕᒻᒥ ᐃᓕᖅᑯᓯᐅᓲᓂᑦ ᐊᑐᐊᒐᐅᓲᓂᓪᓗ, ᐊᒻᒪᓗ ᐋᔩᕋᖃᑎᒌᓐᓂᕐᒥᑦ ᐊᒻᒪᓗ ᐃᖅᑲᓇᐃᔭᖅᑎᓂᑦ ᐱᓕᕆᖃᑎᖃᑦᑎᐊᓂᕐᒥᑦ.
ᓚᐃᑲᓐᑯᓐᓄᑦ ᐃᓚᓕᐅᑎᓚᐅᕋᓂ ᓱᓕ, ᓛᕋ ᒪᓕᒐᕐᓂᐊᖅᑎᐅᓚᐅᖅᑐᖅ ᐃᖅᑲᓇᐃᔮᓕᕆᓂᕐᒥ ᐊᒻᒪᓗ ᐃᖅᑲᓇᐃᔮᓄᑦ ᒪᓕᒐᐅᔪᓂᑦ, ᐃᖅᑲᓇᐃᔭᖅᑐᓂ ᓇᒻᒥᓂᕆᔭᐅᔪᒥ ᒪᓕᒐᕐᓂᐊᕕᒻᒥ ᐊᒻᒪᓗ ᐊᕕᑦᑐᖅᓯᒪᓂᖓᓂ ᐊᓪᓚᕝᕕᖓᓂ ᒪᓕᒐᕐᓂᐊᖅᑎᐅᓪᓗᓂ ᑲᓇᑕᓕᒫᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖓᓂ. ᓛᕌ ᐱᔨᑦᑎᖅᓯᒪᒻᒥᔪᖅ ᑐᖏᓕᕆᔭᐅᓪᓗᓂ ᐊᖏᔪᖅᑳᖓᓄᑦ ᐃᖅᑲᓇᐃᔭᖅᑎᓕᕆᓂᕐᒥ ᐊᒻᒪᓗ ᐃᖅᑲᓇᐃᔭᖅᑎᓂᑦ ᐱᓕᕆᖃᑎᖃᑦᑎᐊᓂᕐᒧᑦ ᑎᐊᕼᐅᓯ ᓯᓚᑦᑐᓴᖅᕕᔾᔪᐊᖓᓂ. ᑕᕝᕙᓂ ᐃᖅᑲᓇᐃᔮᖓᓂ, ᑲᒪᔨᐅᓚᐅᖅᑐᖅ ᓯᕗᓕᖅᑎᐅᓪᓗᓂ ᐃᖅᑲᓇᐃᔭᖅᑎᓕᕆᓂᕐᒥ ᐊᒻᒪᓗ ᐃᖅᑲᓇᐃᔭᖅᑎᓂᑦ ᐱᓕᕆᖃᑎᖃᑦᑎᐊᓂᕐᒧᑦ ᐱᓕᕆᖃᑎᒌᑦᑐᓄᑦ, ᐊᒻᒪᓗ ᐅᖃᐅᔾᔨᒋᐊᖃᑦᑕᔪᓪᓗᓂ ᐊᖏᔪᖅᑲᐅᑎᐅᔪᓂᑦ ᐱᔾᔪᑎᖃᖅᑐᓂᑦ ᐊᔾᔨᒌᓐᖏᑦᑐᓂᑦ ᐃᖅᑲᓇᐃᔭᖅᑎᓕᕆᓂᕐᒥ ᐱᔾᔪᑎᓕᓐᓂᑦ ᐱᖃᓯᐅᑎᓗᒍ ᐱᕙᓪᓕᐊᑎᑦᑎᓂᖅ ᐊᔾᔨᒋᓐᖏᑕᖓᒍᑦ ᐱᔨᑦᑎᕋᕋᓱᐊᕐᓂᕐᒥᑦ ᐊᒻᒪᓗ ᐱᔨᑦᑎᕋᐅᑏᑦ ᐊᔾᔨᒌᓕᖅᑎᑕᐅᓂᖏᓐᓄᑦ.
ᓛᕋ ᐱᓕᕆᖃᑦᑕᖅᑐᖅ ᒪᓕᒐᕐᓂᐊᖅᑎᐅᓪᓗᓂ ᓅᕙ ᓯᑰᓴᒥ ᒪᓕᒐᕐᓂᐊᖅᑏᑦ ᑲᑐᔾᔨᖃᑎᒋᖓᓂ ᐊᒻᒪᓗ ᖁᑦᑎᓂᖅᓴᒥᑦ ᓯᓚᑦᑐᓴᖅᕕᔾᔪᐊᒥᑦ ᐱᔭᕇᖅᓯᒪᓂᖓᓄᑦ ᐃᓕᑕᕆᔭᐅᔾᔪᑎᓕᒃ, ᖃᐅᔨᒪᔨᑕᐅᓪᓗᓂ ᐃᓅᓯᓕᕆᓂᕐᒧᑦ.
ᓛᕋ ᒫᓐᓇ ᓄᓇᖃᖅᑐᖅ ᑲᓇᑕᐅᑉ ᑲᓇᓐᓇᖓᑕ ᓯᓈᓂ ᒪᕐᕉᓪᓗ ᕿᑐᕐᖓᖏᒃ. ᐃᖅᑲᓇᐃᔭᖅᑎᓐᓇᒍ, ᓛᕋ ᐃᒪᐅᑉ ᓯᓈᓂ ᓯᐅᕋᕐᒥ ᐱᓐᖑᐊᖃᑕᐅᓲᖅ ᐅᕝᕙᓘᓐᓃᑦ ᐱᓱᕋᔭᑦᑐᓂ ᐃᒪᕕᐅᑉ ᓯᓈᒍᑦ ᕿᒻᒥᖓᓗ ᐃᓐᑎᐊᓇ.
