ᑐᑭᒧᐊᒍᑎᒋᔭᕗᑦ
ᐆᑦᑑᑎᖃᕐᓂᐊᖅᑐᖓ ᑲᔪᓯᓂᖃᑦᑎᐊᖅᓯᒪᔪᓂᑦ ᖃᓄᖅ ᐃᑲᔪᖅᓯᒪᒻᒪᖔᑕ ᑐᑭᒧᐊᒍᑎᒃᓴᓕᐅᖅᑐᓂᒃ
ᑐᑭᒧᐊᒍᑎᒃᓴᓂᒃ ᐸᕐᓇᐅᑎᖃᕐᓂᖅ
ᐋᔩᒍᑎᖃᕐᓂᒃᑯᑦ ᓄᓇᕗᑦ ᑕᕐᕆᔭᒃᓴᓕᕆᓂᕐᒧᑦ ᐱᕙᓪᓕᐊᔪᓕᕆᖅ ᑯᐊᐳᕆᓴᒃ
ᓄᓇᕗᑦ ᑕᕐᕆᔭᒃᓴᓕᕆᓂᕐᒧᑦ ᐱᕙᓪᓕᐊᔪᓕᕆᖅ ᑯᐊᐳᕆᓴᒃ ᐱᓕᕆᐊᒃᓴᖃᖅᑎᑦᓯᓚᐅᖅᑐᑦ ᖁᔭᐅᑎᒃᑯᓐᓂᑦ ᐋᖅᑭᒃᓱᐃᖁᔨᓪᓗᑎᒃ ᑐᑭᓯᒍᑎᒃᓴᓂᒃ ᑐᑭᒧᐊᒍᑎᒃᓴᓕᐅᕐᓂᕐᒥᑦ ᑕᕐᕆᔭᒃᓴᓕᕆᓲᓄᑦ, ᓄᓇᓕᓐᓂ ᑲᑐᔾᔨᖃᑎᒌᓲᓄᑦ ᐊᒻᒪᓗ ᓄᓇᕗᒻᒥ ᑕᕐᕆᔭᒃᓴᓕᐅᕆᒍᒪᖃᑦᑕᖅᑐᓄᑦ.
ᑐᓴᕐᕕᖃᕈᒪᓪᓗᑎᒃ ᖃᓪᓗᓈᑎᑐᓲᓂᑦ ᐃᓄᒃᑎᑐᓪᓘᓐᓃᑦ ᓄᓇᓕᖏᓐᓂᒃ ᐊᑐᐃᓐᓇᐅᔪᓂᑦ ᐊᑐᕈᒪᓪᓗᑎᒃ, ᑐᓴᐅᒪᔭᐅᑦᓯᐊᖁᓪᓗᒋᓪᓗ ᐊᒻᒪᓗ ᖃᐅᔨᒪᓂᖃᖅᑐᓂᑦ ᐃᓚᓕᐅᔾᔨᓪᓗᑎᒃ ᖃᐅᔨᒪᖁᓪᓗᒋᑦ ᐊᓯᔾᔨᖅᐸᓪᓕᐊᔪᑦ ᐱᔾᔪᑎᒋᓪᓗᒋᑦ ᑐᓴᒐᒃᓴᓕᐅᕐᓂᖅ ᐊᒻᒪᓗ ᐊᐅᓚᑦᓯᓂᕐᒥᑦ.
ᑐᓴᕐᕕᖃᕈᑎᒋᔭᖏᑦ ᐃᓄᐃᑦ ᖃᐅᔨᒪᓂᖏᓐᓂᒃ ᑐᙵᕕᖃᖅᑐᑎᒃ, ᐃᓕᖅᑯᓯᖏᓐᓂᒃ, ᐅᖃᐅᓯᖏᓐᓂᒃ ᐊᒻᒪᓗ ᑐᙵᕕᒋᔭᐅᔪᓂᑦ ᑐᑭᓯᐊᒐᓱᐊᖅᑐᑎᒃ. ᖃᐅᔨᓴᐅᑎᒋᔭᕗᑦ ᐊᑑᑎᖃᓚᐅᖅᑐᑦ ᑐᑭᒧᐊᒍᑎᒃᓴᓕᐊᕆᔭᑦᑎᓐᓄᑦ.
ᖁᐊᔭᐅᑎᒃᑯᑦ ᐱᓕᕆᐊᒃᓴᖃᖅᑎᑕᐅᓚᐅᖅᓯᒪᔪᑦ ᐋᖅᑭᒃᓱᐃᖁᔭᐅᓪᓗᑎᒃ ᖃᐅᔨᓴᐅᑎᖃᕐᓗᑎᒃ ᑐᑭᒧᐊᒍᑎᒃᓴᐅᒐᔭᖅᑐᓂᒃ ᐸᕐᓇᐅᑎᖃᕐᓗᑎᒃ ᑲᑎᒪᓂᖃᓚᐅᖅᓯᒪᔪᑦ.
ᑲᑎᒪᓂᖃᖅᑎᓪᓗᒋᑦ ᓇᓗᓇᐃᕆᓚᐅᖅᓯᒪᔪᑦ ᑐᑭᒧᐊᒍᑎᒋᔭᖏᓐᓂᒃ ᐱᔨᒃᓯᕈᑎᒃᓴᓂᒃ, ᐃᓄᓕᕆᕙᑦᑕᖏᓐᓄᑦ, ᑲᔪᓯᕙᓪᓕᐊᖏᓐᓇᖅᑐᓂᒃ, ᐊᒻᒪᓗ ᓴᖅᑭᔮᕐᓇᑎᒃ ᐃᑲᔪᖅᑎᐅᕙᑦᑐᓂᒃ ᐊᒻᒪᓗ ᓂᕆᐅᒋᔭᖃᖅᑐᑎᒃ ᑮᓇᐅᔭᖃᖅᑎᑦᓯᔨᐅᕙᑦᑐᑦ. ᖃᐅᔨᓴᐅᑎᖃᖁᔨᓪᓗᑎᓪᓗ ᐊᐅᓚᓂᕆᕙᑦᑕᖏᓐᓂᒃ ᐃᖅᑲᓇᐃᔭᕐᕕᖏᓐᓂᒃ ᐊᒻᒪᓗ ᓯᓚᑖᓃᑦᑐᓂᒃ ᓯᕗᓂᒃᓴᒧᑦ ᑐᑭᒧᐊᒍᑎᒃᓴᐅᒐᔭᖅᑐᓂᒃ.
ᕿᒥᕐᕈᔭᖏᓐᓂᒃ ᐋᖅᑭᒃᓱᐃᒍᑎᖃᓚᐅᖅᑐᑦ ᑐᑭᒧᐊᒍᑎᒃᓴᓕᐅᖅᑐᑎᒃ ᑕᓪᓕᒪᐅᔪᓂᑦ ᑲᔪᓯᑎᑦᓯᒍᑎᒃᓴᖏᓐᓂᒃ. ᑎᑎᕋᐅᓯᐅᓚᐅᖅᑐᑦ ᐅᓪᓗᒥᒧᑦ ᓯᕗᓂᒃᓴᒧᓪᓗ ᐊᑐᖅᑕᐅᒍᓐᓇᖅᑐᓂᒃ ᑲᑎᒪᔨᖏᓐᓄᑦ ᐊᒻᒪᓗ ᐃᖅᑲᓇᐃᔭᖅᑎᖏᓐᓄᑦ.
ᑐᑭᒧᐊᒍᑎᒃᓴᓂᒃ ᐸᕐᓇᐅᑎᖃᕐᓂᖅ
ᑐᓴᕐᕕᖃᕐᓂᒃᑯᑦ ᖃᐅᔨᒋᐊᖅᑏᑦ ᐋᓐᓂᐊᖃᕐᓇᖏᑦᑐᓕᕆᓂᒧᑦ ᖃᐅᔨᓴᖅᑎᑦ ᑲᑎᕝᕕᖓᑦ
ᑲᑎᑎᑦᓯᓂᖅ
ᑕᒡᕙ ᑎᑎᕋᖅᓯᒪᔪᑦ ᐃᑲᔪᖅᓯᒪᔭᕗᑦ ᑲᑎᑎᑦᓯᓪᓗᑕ ᓄᓇᓕᓐᓂᑦ.
ᐃᓕᓴᐅᑎᒃᓴᓕᐅᕐᓂᕐᒥᑦ ᐱᕙᓪᓕᐊᑎᑦᓯᓂᖅ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ
ᕿᑭᑦᑕᓂᒃᑯᑦ ᐱᓕᕆᐊᒃᓴᖃᖅᑎᑦᓯᓚᐅᖅᑐᑦ ᖁᐊᔭᐅᑎᒃᑯᓐᓂᑦ ᐸᐃᕆᕕᓕᕆᓂᕐᒧᑦ ᑲᑎᒪᔨᖏᓐᓄᑦ ᐊᐅᓚᑦᓯᒍᑎᒃᓴᖏᓐᓂᒃ ᐱᕚᓪᓕᕈᑎᒃᓴᖏᓐᓂᒃ ᓄᑕᕋᕐᓄᑦ ᐃᓕᓴᐅᑎᒃᓴᓕᐅᕐᓂᕐᒥᑦ ᐊᒻᒪᓗ ᐃᑲᔪᕈᑎᒃᓴᓂᒃ ᐸᐃᕆᕕᐅᑉ ᑲᑎᒪᔨᖏᓐᓄᑦ ᕿᑭᖅᑖᓗᒻᒥᐅᓄᑦ.
ᐅᖃᓕᒫᒐᓕᐅᕆᓚᐅᖅᑐᒍᑦ, ᐃᖅᑲᓇᐃᔭᖃᑎᕗᓪᓗ ᕿᒥᕐᕈᓂᐊᕐᓗᑕ ᐸᐃᕆᕕᓕᕆᔾᔪᑎᒃᓴᓂᒃ ᐊᑲᐅᓈᖅᓯᒪᔪᓂᑦ, ᖃᐅᔨᓴᐅᑎᖃᖅᑐᑕᓗ ᐸᐃᕆᕖᑦ ᑭᓱᓂᑦ ᐃᓕᓴᐅᑎᖃᓲᖑᒻᒪᖔᑕ ᐊᒻᒪᓗ ᒪᓕᒐᓕᐊᕆᔭᐅᓯᒪᔪᓂᑦ ᐊᔾᔨᒌᖏᑦᑐᓂᒃ ᓄᓇᓕᐅᔪᓂᑦ ᑲᓇᑕᒥ ᕿᒥᕐᕈᓪᓗᑎᒃ.
ᐅᖃᓕᒫᒐᖅ ᐃᓗᓕᓚᐅᖅᑐᖅ ᒪᓕᒐᕐᓂᑦ ᐊᑐᖅᑕᐅᔭᕆᐊᓕᓐᓂᒃ ᑲᑎᒪᔨᓄᑦ, ᖃᓄᐃᓕᐅᕈᑎᒃᓴᖏᓐᓂᓪᓗ ᑭᓱᓂᓪᓗ ᐱᔭᒃᓴᖃᕆᐊᖃᕐᓂᕐᓂᖏᓐᓂᒃ ᐊᐅᓚᑦᓯᔨᐅᓂᐊᕐᓗᑎᒃ, ᑮᓇᐅᔭᓕᕆᓂᕐᒥᓪᓗ ᐊᐅᓚᑦᓯᔨᐅᓂᕐᒥᑦ.
ᒪᑉᐱᒐᖃᓚᐅᖅᑐᖅ 30ᓂᒃ ᑎᑎᕋᖅᓯᒪᓪᓗᓂ ᑐᑭᓯᐊᓇᖅᑐᒥᒃ, ᑎᑎᖅᑐᒐᖅᓯᒪᔪᓂᒃ ᐃᓗᓕᖃᖅᑐᓂ ᖃᓪᓗᓈᑎᑐᑦ ᐃᓄᒃᑎᑐᓪᓗ ᐊᑐᐃᓐᓇᐅᓂᐊᕐᓗᑎᒃ ᐊᑐᒐᒃᓴᐅᓗᓂ ᖃᖓᑐᐃᓐᓇᒃᑯᑦ ᐃᓕᓴᐅᑎᒃᓴᐅᓪᓗᑎᓪᓗ.
ᐱᔭᒃᓴᖃᖅᑎᑦᓯᓚᐅᖅᑐᑦ ᖁᐊᔭᐅᑎᒃᑯᑦ ᐃᑲᔪᖅᑎᖃᖅᑐᑎᒃ ᑐᑭᓯᒋᐊᕐᕕᒃᑯᓐᓂᑦ, ᓴᓇᖁᔭᐅᓪᓗᑎᒃ ᐃᓄᐃᑦ ᐃᓕᖅᑯᓯᖏᓐᓂᑦ ᐱᙳᐊᕈᑎᒃᓴᓕᐅᕐᓗᑎᒃ ᓄᓇᕗᒻᒥᐅᑦ ᐸᐃᕆᕕᖏᓐᓄᑦ ᑐᕌᖓᓗᑎᒃ ᐊᒻᒪᓗ ᓄᑕᖅᑲᓄᑦ ᐃᓕᓴᐅᑎᒃᓴᐅᒐᔭᖅᑐᓂᒃ.
ᑐᑭᓯᒋᐊᕐᕕᒃᑯᑦ ᑲᑎᒪᔨᖏᑦ ᑮᓇᐅᔭᓕᐅᕋᓱᐊᖅᑎᐅᓇᑎᒃ ᐊᑐᐃᓐᓇᖃᖃᑦᑕᖅᑐᑦ ᐃᓄᐃᑦ ᐃᓕᖅᑯᓯᖏᓐᓂᒃ ᑐᙵᕕᖃᖅᑐᑎᒃ, ᐃᓅᓯᖏᓐᓄᑦ ᐱᕚᓪᓕᕈᑎᒃᓴᓂᒃ, ᒪᑭᒋᐊᕈᑎᒃᓴᓂᒃ ᐊᒻᒪᓗ ᓴᐱᓕᖅᑕᐃᓕᒪᓂᕐᒥᑦ ᐊᒻᒪᓗ ᑐᓴᐅᒪᖃᑎᒌᑦᓯᐊᕐᓂᕐᒥᑦ.
ᑲᑐᔾᔨᖃᑎᒌᑦᑐᑎᒃ ᑐᑭᓯᒋᐊᕐᕕᒃᑯᑦ ᐃᓄᖁᑎᖏᑦ ᐃᓚᐅᒍᓐᓇᓚᐅᖅᑐᑦ ᐃᓕᖅᑯᓯᕐᒥᓂᒃ ᐊᑐᖅᑐᑎ, ᑮᓇᐅᔭᖅᑖᕈᑎᖃᖅᑐᑎᒃ ᐱᕚᓪᓕᕈᑎᒋᓚᐅᕐᒥᔭᖓᑦ ᐃᓅᓯᕐᒥᓄᑦ.
ᐸᐃᕆᕕᓕᒫᑦ ᐃᓄᒃᓯᐅᑎᓂᒃ ᓴᓇᕐᕈᑎᙳᐊᓂᒃ ᐱᑖᖅᑎᑕᐅᓚᐅᖅᑐᑦ ᓈᒪᔪᓂᑦ ᐊᒻᒪᓗ ᐆᑦᑑᑎᓂᒃ ᖃᖓᑐᐃᓐᓇᒃᑯᑦ ᓱᕋᑦᑐᖃᕐᓂᖅᐸᑕ ᐊᑐᐃᓐᓇᖃᕐᓂᐊᕐᒪᑕ ᐆᑦᑑᑎᒃᓴᖏᓐᓂᒃ.
ᐃᓕᓐᓂᐊᒐᒃᓴᓕᐅᕆᓂᖅ
ᐃᓕᓐᓂᐊᖅᑐᓕᕆᔨᒃᑯᑦ,
ᓄᓇᕗᑦ ᒐᕙᒪᒃᑯᓐᓂᑦ
ᐅᔾᔨᖅᓱᑦᑎᐊᖅᓯᒪᔪᒥᒃ ᖃᐅᔨᓴᐅᑎᖃᕐᓂᖅ
ᐅᑯᐊ ᖃᐅᔨᓴᐅᑎᒋᓯᒪᔭᕗᑦ ᐱᓕᕆᖁᔨᓯᒪᔪᓂᑦ ᖃᓄᖅ ᖃᐅᔨᓴᐅᑎᖃᕈᓐᓇᕐᓂᕐᒥᑦ.
ᖃᐅᔨᓴᐅᑎᒋᔭᐅᓯᒪᔪᓂᑦ ᕿᒥᕐᕈᓂᖅ ᐊᒻᒪᓗ ᑎᑎᕋᐅᓯᖃᕐᓂᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᑦ,
ᓄᓇᕗᑦ ᒐᕙᒪᒃᑯᓐᓂᑦ
ᐊᑐᖅᑕᐅᓗᑎᒃ ᓄᓇᕗᒻᒥ ᐃᓅᓯᖃᑦᓯᐊᕐᓂᕐᒥᑦ ᑲᒪᒋᑦᓯᐊᕐᓂᕐᒥᑦ ᐊᖏᕈᑕᐅᓯᒪᔪᒥᒃ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓄᓇᕗᑦ ᒐᕙᒪᒃᑯᖏᓐᓂᒃ ᓄᓇᓕᓐᓄᑦ ᐱᕚᓪᓕᕈᑎᒃᓴᐅᒐᔭᖅᑐᓂᒃ ᐋᖅᑭᒃᓱᐃᒍᑎᐅᒐᔭᖅᑐᓂᒃ ᐱᓕᕆᔾᔪᑎᒃᓴᓂᒃ ᓄᓇᓕᓐᓂ ᐃᓅᓯᖃᑦᓯᐊᕐᓂᕐᒨᖓᔪᓂᑦ ᐱᕚᓪᓕᖁᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎᒃᓴᓂᒃ.
ᖁᐊᔭᐅᑎᒃᑯᑦ ᐱᔭᒃᓴᖃᖅᑎᑕᐅᓚᐅᖅᑐᑦ ᕿᒥᕐᕈᖁᔭᐅᓪᓗᑎᒃ ᖃᐅᔨᓴᕐᓗᑎᒃ ᑎᑎᕋᐅᓯᖃᕐᓗᑎᒃ ᐊᑐᐃᓐᓇᐅᑎᑕᐅᖃᑦᑕᖅᑐᓂᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᒃᓯᕈᑎᖏᓐᓂᒃ ᐃᓅᓯᓕᕆᓂᕐᒧᑦ, ᓂᕿᑦᓯᐊᕙᓕᕆᓂᕐᒥᑦ, ᓄᑕᖅᑲᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ, ᑎᒥᒧᑦ ᐃᖅᑲᐃᓕᓴᕐᕈᑎᒃᓴᓄᑦ ᐊᒻᒪᓗ ᐃᓅᓯᕐᒧᑦ ᐊᔪᕈᑎᖅᑖᕈᑕᐅᕙᑦᑐᓂᒃ. ᕿᒥᕐᕈᑎᓪᓗᒋᑦ ᖃᐅᔨᓴᐅᑎᖃᖅᑐᑎᓪᓗ ᑲᑎᖅᓱᐃᓚᐅᖅᑐᑦ ᓇᓗᓇᐃᔭᖅᓯᒪᓪᓗᑎᒃ ᖃᓄᑎᒋ ᐊᑐᖅᓯᒪᒻᒪᖔᑕ ᐊᒻᒪᓗ ᖃᓄᖅᑎᒋ ᓱᕐᕋᖅᐸᓪᓕᐊᓂᐊᕐᓂᕆᔭᖏᓐᓂᒃ ᓇᓗᓇᐃᔭᐃᓪᓗᑎᒃ ᐊᒥᐊᖅᑕᐅᓯᒪᓪᓗᑎᒃ ᓇᓗᓇᐃᒃᑯᑕᕆᔭᖏᑦ ᐃᓛᒃᑯᑦ.
ᖁᐊᔭᐅᑎᒃᑯᑦ ᐅᓂᒃᑳᓚᐅᖅᑐᑦ ᐱᔭᕇᖅᑕᒥᓂᒃ ᕿᒥᕐᕈᔭᒥᓂᒃ ᑎᑎᕋᐅᓯᖃᖅᑐᑎᓪᓗ ᓯᕗᓂᒃᓴᒧᑦ ᖃᓄᖅ ᐊᓯᔾᔨᖅᑕᐅᕙᓪᓕᐊᒍᓐᓇᖅᑐᓂᒃ, ᐊᑐᖅᑕᐅᒍᓐᓇᖅᑐᓪᓗ ᐃᑲᔫᑎᒃᓴᓂᒃ ᐊᑐᐃᓐᓇᕈᐃᕕᐅᓚᐅᖅᑐᑦ ᓯᕗᓂᒃᓴᒧᑦ ᕿᒥᕐᕈᕙᓪᓕᐊᓗᑎᒃ ᐊᑐᓕᖅᑎᑕᐅᒍᓐᓇᖅᑐᓂᒃ.
ᐱᔭᒃᓴᖃᖅᑎᑕᐅᓚᐅᖅᑐᑦ ᖁᐊᔭᐅᑎᒃᑯᑦ ᕿᒥᕐᕈᖁᔭᐅᓪᓗᑎᒃ ᒪᓕᒐᓕᕆᓂᕐᒧᑦ ᑲᑎᒪᖏᑦᑕ ᐱᔨᒃᓯᕋᐅᑎᒋᕙᑦᑕᖏᓐᓂᒃ ᐱᓗᐊᖅᑐᒥ ᐃᖅᑲᓇᐃᔭᕐᕕᐅᔪᓂᑦ ᐃᑦᑎᒎᕐᓂᕐᒥᑦ ᐊᑐᖅᑕᐅᔪᖃᖅᑎᓪᓗᒍ ᐊᒻᒪᓗ ᐊᕐᓇᐅᓂᖓᓄ/ᐊᖑᑕᐅᓂᖓᓄᓪᓘᓐᓃᑦ ᐱᔾᔪᑕᐅᓪᓗᑎ ᐱᓂᕐᓗᖅᑐᖃᖅᑎᓪᓗᖑ ᓄᓇᕗᒻᒥ.
ᐱᓕᕆᐊᒃᓴᕗᑦ ᒪᕐᕉᓕᖓᓚᐅᖅᑐᖅ − ᓯᕗᓪᓕᖅ ᑐᑭᓯᒐᓱᐊᕈᑎᒃᓴᒃᑲᓐᓂᕐᓂᒃ ᖃᐅᔨᓴᐅᑎᖃᓚᐅᕋᑦᑕ ᐱᓗᐊᖅᑐᒥᒃ ᕿᓂᕆᐊᖃᓚᐅᖅᑐᒍᑦ ᐃᑦᑎᒎᕐᓂᒃᑯᑦ ᐃᖅᑲᓇᐃᔭᕐᕕᐅᔪᒥᒃ ᐊᑐᖅᑕᐅᔪᖃᖅᑎᓪᓗᒍ ᖃᓄᓕᐅᕈᑎᒋᔭᐅᕙᒻᒪᖔᑕ ᐊᒻᒪᓗ ᐊᕐᓇᐅᓂᖓᓄᑦ/ᐊᖑᑕᐅᓂᖓᓄᑦ ᐱᓂᕐᓗᑦᑐᖃᖅᑎᓪᓗᒍ ᓄᓇᕗᒻᒥᐅᓄᑦ ᐊᑑᑎᖃᕋᔭᖅᑐᓂᒃ ᕿᒥᕐᕈᓚᐅᖅᑐᒍᑦ.
ᐃᓕᓴᐅᑎᒃᓴᓂᒃ ᓄᓇᕗᒻᒥᐅᓄᑦ ᑐᕌᖓᔪᓂᑦ ᐃᓕᓴᔪᖃᓚᐅᖅᑐᖅ ᑐᑭᓯᐊᒍᑎᒃᓴᒃᑲᓐᓂᕐᓂᒃ ᖃᓄᖅ ᖁᐊᖅᓵᕐᓇᖅᑐᒃᑰᖅᓯᒪᔪᑦ ᑐᑭᓯᐊᔭᐅᒋᐊᖃᕐᓂᖏᓐᓂᒃ. ᐱᓕᕆᐊᒋᔭᕗᑦ ᐃᓕᓴᐅᑎᒃᓴᐅᓚᐅᖅᑐᖅ ᒪᓕᒐᓕᕆᔨᓄᑦ ᑐᑭᓯᐊᒃᑲᓐᓂᖁᓪᓗᒋᑦ ᖃᓄᖅ ᐱᔨᓯᖅᑕᒥᓂᒃ ᐃᑲᔪᒃᑲᓐᓂᕈᑎᒃᓴᓂᒃ ᑐᓴᐅᒪᑦᓯᐊᕐᓗᓂ.
ᓴᖅᑮᓚᐅᕐᒥᔪᑦ ᐊᑭᓐᓇᕐᒥᐅᓂᒃ ᑐᓴᐅᒪᒍᑎᒃᓴᓂᒃ ᖃᓄᐃᑕᐅᔪᖃᕈᓂ ᐃᑦᑎᒎᖅᑕᐅᓂᒃᑯᑦ ᐃᖅᑲᓇᐃᔭᕐᕕᖓᓂᒃ ᐅᕝᕙᓘᓐᓃᑦ ᐊᕐᓇᐅᓂᖓᓄᑦ/ᐊᖑᑕᐅᓂᖓᓄᑦ ᐱᓂᕐᓗᒃᑕᐅᒍᓂ ᓇᒧᑦ ᐃᑲᔪᖅᑕᐅᒍᓐᓇᕋᔭᕐᓂᖓᓂᒃ ᑐᑭᓯᒋᐊᕐᕕᒃᓴᓂᒃ ᐃᑲᔪᖅᑕᐅᒍᑎᒃᓴᓂᒃ.
ᖃᐅᔨᓴᐅᑎᖃᕐᓂᖅ
ᒪᓕᒐᓕᕆᕐᒧᑦ ᑲᑎᒪᔩᑦ ᓄᓇᕗᒻᒥ
